ZUMAIA

Asko dira kostaldeko herri honen nortasun berezia eraikitzen lagundu duten gizon eta emakumeak: Ignacio Zuloaga margolaria (Zumaian kokatu zuen behin betiko estudioa), Baltasar Etxabe eta Julene Azpeitia idazleak, Julio Beobide eskultorea, Yeregui anaiak (estatuko lehenengo diesel motorra egin zutenak), beren arrastoa utzi dute, eta nortasun nabarmenaz hornitu kostaldeko udalerri hau.
Bertako geografia bitxian ere islatzen da nortasun hori, Euskal Kostaldeko Geoparkean, hain zuzen ere. UNESCOk mundu-mailako ondare izendatu zuen. Beste udalerri mugakide batzuekin batera, “flyscharen ibilbidea” osatzen duten geruza izugarriak daude: itsas-lehorreko ibilbidea da, flyschak eratutako itsaslabar ikusgarri bezain aberatsak eta Europako marearteko zabalgune handienetakoa dituena.